Ezaugarriak
- ERRAZ IRAKURTZEKO MODUKO AMOLED PANTAILA, 2″-KOA
- ERLOJU-KAXA 8 MM-KOA DA ETA MARREN AURKAKO ZAFIROZKO KRISTALA DU
- GOZATU 8 EGUNERAINOKO BATERIA-AUTONOMIAZ, SMARTWATCH MODUAN
- OSASUNARI ETA SASOIARI BURUZKO INFORMAZIO ZEHATZA
- EGIN ETA JASO DEIAK BOZGORAILUA ETA MIKROFONOA ERABILIZ
- LED LINTERNA ARGITSUA DU
ERRAZ IRAKURTZEKO MODUKO PANTAILA
- Kontsultatu zure datuak 2″-ko AMOLED pantailan; handiagoa da eta marren aurkako zafirozko kristala dauka. Erosoa da egun osoan eramateko, titaniozko kutxa arinari, diseinu dotoreari eta nylonezko ComfortFit uhalari esker.
OSASUNA DA GARRANTZITSUENA
- Lortu zure gorputzari buruzko informazio gehiago eta izan bizimodu osasungarriagoa, osasunaren eta sasoiaren etengabeko jarraipenari esker: HRVaren egoera, loaren jarraipen aurreratua, energia neurtzeko Body Battery™ monitorea, pultsoximetria eta askoz gehiago. Kontsultatu zure estatistikak morning report atalean eta lortu laburpen pertsonalizagarri bat, loaren datuak, entrenamenduaren aurreikuspena, HRVaren egoera eta abar ikusteko.
ENTRENAMENDU SAIOEN AUKERAK
- Zure mugitzeko modu guztien jarraipena egiteko, erabilgarri dituzu aurrez instalatutako 100 kirol-aplikazio baino gehiago, zeinak lasterketak, golf saioak, indar-entrenamendua eta abar erregistratzen baitituzte. Gainera, Garmin Coach funtzioak lasterketarako, indar-entrenamenduetarako eta txirrindularitzarako dituen planen laguntzarekin, zure helburuak betetzeko prestatuko zara.
ERRENDIMENDU- ETA ENTRENAMENDU-FUNTZIOAK
- Errendimendu-funtzio aurreratuei esker (esaterako, entrenatzeko aurretiko jarrera), zure entrenamendua hobetzeko edo atseden-egun bat hartzeko unea noiz den jakingo duzu. Zure errendimenduaren aurrerapenaren jarraipena egiteko, erabili erresistentziaren puntuazioa, entrenamenduaren egoera, maldaren puntuazioa eta antzeko funtzioak, eta egiaztatu nola egokitzen den zure gorputza entrenamendu-kargara, zure entrenamendua emankorra den jakiteko.
EGUNEROKO BIZITZARAKO FUNTZIOAK
- LED linterna bat du txertatuta, behar duzunean argi erosoa lortzeko. Egin eta jaso deiak zure eskumuturretik, erlojua eta zure smartphonea lotuta. Halaber, erlojuaren funtzioak ahots bidezko aginduekin kontrolatu ditzakezu, baita zure mugikorraren ahots bidezko laguntzailea testu-mezuei erantzuteko erabili ere, besteak beste.
MAPA AURRERATUAK
- Jarduera jakin batzuk egitean, nabigatu erraz aurrez instalatuta datozen mundu osoko TopoActive mapekin. Hobetu zure teknika golfeko funtzio aurreratuekin eta aurrez instalatuta datozen mundu osoko 43.000 golf zelai baino gehiagoren CourseView mapekin.
OSASUN-FUNTZIOAK:
BODY BATTERY ENERGIA-MONITOREA
Zure gorputzaren energia-mailen jarraipena egin dezakezu, ariketarako eta atsedenerako ordurik onenak jakiteko.
LOAREN ENTRENATZAILEA
Jaso loaren inguruko puntuazio bat eta orientazio pertsonalizatua, zenbat lo egin behar duzun jakiteko. Egin loaren faseen jarraipena eta jaso loaren kalitatea hobetzeko informazioa.
HVR-AREN EGOERA
Ezagutu hobeto zure osasun orokorra, estres-maila eta suspertzeko gaitasuna, lo zauden bitartean bihotz-maiztasunaren aldakortasuna (HRV) neurtuz.
MORNING REPORT
Laburpen pertsonalizagarri bat izango duzu erabilgarri esnatu bezain laster, zure loa, zure entrenamenduaren aurreikuspena, HRVaren egoera, eguraldia eta abar ezagutzeko.
SIESTEN DETEKZIOA
Zure siestak arakatu eta automatikoki erregistratzeko aukera duzu, zure organismoari nola laguntzen dioten ikusi eta gomendatutako denbora eta iraupena egiaztatzeko.
BIHOTZ MAIZTASUNA ZURE ESKUMUTURREAN
Erlojuak etengabe neurtzen du zure bihotz-maiztasuna, jardueretan egiten duzun esfortzuaren intentsitatea ezagutzeko.
ESTRESAREN KONTROLA
Egiaztatu zure eguna lasaia, orekatua edo estresagarria den.
HEALTH SNAPSHOT™ FUNTZIOA
Erregistratu 2 minutuko saio bat osasunari buruzko funtsezko estatistikak lortzeko, eta sortu osasun-arloko profesionalekin partekatu ahalko duzun txosten bat.
PULTSOXIMETROA
Egin odoleko oxigeno-asetasunaren jarraipena esna edo lo egonik, eta ikusi nola egokitzen zaren altitude desberdinetara.
MEDITAZIOA
Estresa eta antsietatea murrizten laguntzen du, meditazio-saio gidatuekin.
JET LAG ABISUA
Jet lag nahasmenduaren efektuak minimizatzeko, argiarekiko esposizioari, lotarako ordutegiari eta ariketari buruzko informazioa emango dizu.
ALTITUDERA ETA BERORA EGOKITZEA
Kontsultatu nola egokitzen zaren uneko altitudera edo berora, zure osasun metriken arabera.
ARNASKETAREN JARRAIPENA
Kontrolatu nola arnasten duzun egunez nahiz gauez.
ALDATU GORRIRA
Zaindu zure gaueko ikusmena eta murriztu lo-zikloaren asaldurak gorrira aldatuta: erlojuaren pantaila osoaren koloreak gorri, berde edo laranja bihurtzen dira.
ENTRENAMENDU- ETA ARIKETA-FUNTZIOAK:
JARDUEREN JARRAIPENA
Erabili aurrez instalatutako 100 jarduera-profil baino gehiago zure uneko jarduerei buruzko datuak eta informazioa lortzeko. Lasterketa, golfa eta indar-entrenamendua erregistra daitezke, besteak beste.
ENTRENATZEKO AURRETIKO JARRERA
Esnatzen zarenetik, entrenatzeko aurretiko jarrerari buruzko puntuazioa lortzen duzu, loaren kalitatean, suspertzean, entrenamendu-kargan eta beste alderdi askotan oinarrituta, dena ematea edo lasai hartzea erabakitzeko.
ENTRENAMENDU-EGOERA
Kontsultatu zure entrenamenduaren informazioa eta ikusi ea emankorra izan den, zure goreneko sasoia lortu duzun edo gehiegi entrenatzen ari zaren.
GARMIN COACH
Presta zaitez zure hurrengo lasterketarako, entrenatu mugarri bat lortzeko edo, besterik gabe, hobetu zure sasoia Garmin Coach funtzioak lasterketa, txirrindularitza eta indarra entrenatzeko dituen plan moldagarri edo aurrez integratuekin. Entrenamendu saio pertsonalizatuagoak egiteko, aukeratu zure errendimendu- eta osasun-metriketara egokitzen diren planak.
GOMENDATUTAKO EGUNEROKO ENTRENAMENDU-SAIOAK
Kontsultatu zuretzat bakarrik eta zure datuetan oinarrituta prestatutako entrenamendu-saioak. Gomendiook zure errendimendua eta suspertzea kontuan hartuta egokitzen dira.
INDAR-ENTRENAMENDUA
Zure gorputzaren errendimendua hobetzeko, eskura izango dituzu jarduera-profil integratu bat, indarra entrenatzeko plan espezifikoak, askotariko entrenamendu-saioak eta askoz gehiago. Era berean, errepikapenen, serieen eta atsedenaldiaren jarraipena egin dezakezu.
ENTRENAMENDU-SAIOAK SORTZEA
Garmin Connect™ aplikazioan, aukera duzu 1.600 ariketa baino gehiago oinarri hartuta entrenamendu-saioak pausoz pauso sortu eta zuzenean erlojura bidaltzeko.
ENTRENAMENDU-SAIO ANIMATUAK
Hobetu zure sasoia Garmin Connect aplikazioan HIIT, kardioa, indarra, yoga eta pilatesa egiteko deskargatu daitezkeen entrenamendu-saio animatuekin.
TRIATLOIA ETA KIROL ANITZA
Erregistratu automatikoki egin dituzun birak, triatloirako, duatloirako eta txirrindularitza/lasterketa eta igeriketa/lasterketa konbinatzen dituzten entrenamendu-saioetarako erabilgarri dituzun profil integratuekin, edo sortu zure neurrira egindako profil bat.
ERRESISTENTZIA-PUNTUAZIOA
Funtzio honen bidez, esfortzuak luze mantentzeko duzun gaitasuna neurtzen da eta zure kirol-jarduera guztien entrenamenduetako datuak konbinatzen dira, entrenamenduak zure erresistentzia orokorrean duen eragina ulertzen laguntzeko.
MALDAKO PUNTUAZIOA
Neurtu maldan gora korrika igotzeko duzun gaitasuna eta ebaluatu egin duzun aurrerapena, zure gehieneko VO2 kontsumoaren eta entrenamendu-historiaren arabera.
KARRERAKO DINAMIKA, ESKUMUTURREKO SENTSOREAREKIN
Kontsultatu funtsezko lasterketa-metrikak, esaterako, kadentzia, urratsaren luzera, lurrarekiko kontaktu-denbora eta abar.
LASTERKETA-POTENTZIA, ESKUMUTURREKO SENTSOREAREKIN
Kontsultatu zenbat potentzia sortzen duzun bidean edo errepidean, zure esportzua kudeatu eta entrenamendua egokitzeko.
PACEPRO™ FUNTZIOAREN ERRITMO-ESTRATEGIAK
Planifikatu lehiaketarako estrategia, zuk aukeratutako ibilbide edo distantzian GPSan oinarritutako erritmo-seinaleak erabiliz.
CLIMBPRO FUNTZIOA
Kontsultatu denbora errealean momentuko igoerei edo etorriko direnei buruzko informazioa.
SUSPERTZE-DENBORA
Ezagutu zure hurrengo intentsitate handiko entrenamenduaren aurretik suspertzeko behar duzun denbora, zure azken entrenamendu-saioan oinarrituta.
LASTERKETAREN IRAGARPENA
Zenbatetsi zer erritmo izango duzun 5 km-ko edo 10 km-ko lasterketa batean, maratoi erdi batean edo maratoi batean.
NABIGAZIOA:
MAPAK KOLORETAN
Hala hiriko kaleetan barrena nola zuhaitzez betetako pistetan ibiltzen bazara korrika, erloju honek koloretako mapak eskaintzen dizkizu.
JOAN-ETORRIKO IBILBIDE DINAMIKOAK
Egin nahi duzun distantzia sartuta, abiapuntura itzultzeko ibilbideak iradokiko dizkizu. Ibilbidetik ateratzen bazara, erlojuak beste bide bat proposatuko dizu, kilometro berak egiteko.
GOLF JARDUERA ETA ZELAIETAKO MAPAK
Kontsultatu golf zelaiaren aurreko, erdiko eta atzeko eremuetara joateko duzun distantzia, bolaren hurbiltze-distantziak eta oztopoak, eta lortu koloretako aurrez instalatutako CourseView mapak, mundu osoko 43.000 zelai baino gehiagorako.
ABC SENTSOREAK
Egin zure hurrengo ibilbidea altimetroa, barometroa eta 3 ardatzeko iparrorratz elektronikoa erabiliz.
OUTDOOR MAPS+
Harpidetu Outdoor Maps+ funtzioan, zure erlojuan premium mapak lortzeko, esaterako, satelite bidezko irudiak eta mapa topografiko hobetuak.
KONEKTATU:
GARMIN CONNECT APLIKAZIOA
Kontsultatu zure osasunari eta sasoiari buruzko informazioa, jarri harremanetan zure lagunekin eta askoz gehiago.
JAKINARAZPEN ADIMENDUNAK
Jaso mezu elektronikoak, testu-mezuak eta alertak zure mugikorrean, zure Android™ edo iPhone smartphone bati lotuta dagoenean.
TESTU-MEZUAK ESKUMUTURREAN
Erabili teklatua lotutako erlojutik testu bidezko erantzun azkarrak bidaltzeko (Androiderako soilik, edo Garmin Messenger™ aplikazioa erabiliz), telefonoa poltsikotik atera behar izan gabe.
IKUSI ZURE ARGAZKIAK ERLOJUAN
Android telefono bat baduzu, bidaltzen dizkizuten argazkiak ikusi ahalko dituzu zuzenean erlojuaren pantailan.
MUSIKA
Deskargatu abestiak eta erreprodukzio-zerrendak zure Spotify, Deezer edo Amazon Music kontuetatik, telefonorik gabe musika entzuteko (litekeena da harpidetza behar izatea).
CONTACTLESS ORDAINKETAK GARMIN PAY™ ERABILIZ
Arazorik gabe ordainduko duzu kutxetan eta garraio publikora sartzeko guneetan, Garmin Pay™ funtzioari eta hornitzaile parte-hartzaileei esker.
SEGURTASUNEKO ETA JARRAIPENEKO FUNTZIOAK
Erlojuak detektatzen badu istripu bat gertatu dela, mezu bat bidaliko du, zure denbora errealeko kokapenarekin. Halaber, ez bazara seguru sentitzen, eskuz bidal dezakezu.
GARMIN SHARE
Erabili funtzio hau gordetako kokapenak, ibilbideak eta entrenamendu saioak zure lagunekin erraz partekatzeko, Garmin gailu bateragarriak badituzte.
BURTSAKO BALOREEN MONITOREA
Zure 50 burtsa-balore gogokoenen jarraipena egin dezakezu zuzenean zure eskumuturretik.
CONNECT IQ™ DENDA
Gehitu erlojurako pantailak, datu-eremuak eta aplikazioak lotuta duzun mugikorretik.
EROSOTASUNA:
LED LINTERNA INTEGRATUA
Linterna integratuak zenbait argi intentsitate ditu, baita segurtasuneko argi gorri bat ere, ilun dagoenean hobeto ibiltzeko eta besteek non zauden jakiteko.
ERLOJU-PANTAILEN EDITOREA
Datu pertsonalizagarriak dituzten zenbait erloju-pantailaren artean aukeratu dezakezu, erlojuari zure ukitu pertsonala emateko. Erloju-pantaila gehiago aurkituko dituzu Connect IQ dendan, edo zeureak sor ditzakezu Face It® funtzioarekin.
LETRA-TAMAINAK
Aldatu testuaren tamaina, irakurketa errazteko.
KALKULAGAILUA
Kalkulagailuaren aplikazioa erabilerraza da, eta eskupekoak azkar kalkulatzeko funtzio bat dauka.
ARRETA-MODUAK
Isildu automatikoki jakinarazpen eta distrakzioak lotan edo jardueraren batean zaudenean ez jotzeko, arreta-moduak zure nahien arabera pertsonalizatuz.
EGUTEGIA
Kontsultatu hurrengo hitzordu eta bilerak lotuta duzun mugikorraren egutegitik.
TENPORIZADOREA ETA KRONOMETROA
Ez ditugu ahaztu eguneroko bizitzarako behar dituzun funtzio praktikoak.
BILATU NIRE TELEFONOA
Erabili erlojua zure mugikorra BLUETOOTH® konektibitatearen irismenaren barruan aurkitzeko, entzuteko moduko soinu bat erreproduzituta.